სიქა - საგანმანათლებო ინიციატივების ქართული ასოციაცია

დაარსების ისტორია

დაარსდა 1999 წელს, სხვადასხვა ორგანიზაციებისა და პროგრამების ფარგლებში მომზადებული მწვრთნელების მიერ, როგორც რუსთავის მშობელთა და მასწავლებელთა ასოციაცია. რეგისტრაციაში გატარდა რუსთავის სასამართლოს მიერ 2000 წელს. რეგისტრაციის N9/9-77 2005 წლის სექტემბერში საქმიანობის არეალის გაფართოებასთან დაკავშირებით შეიცვალა იურიდიული მისამართი, სახელი და მიზნები. ეწოდა სიქა-საგანმანათლებლო ინიციატივების ქართული ასოციაცია, რეგისტრაციაში გატარდა იუსტიციის სამინისტროს რუსთავის სახელმწიფო რეგისტრაციის სამსახურ მიერ. რეგისტრაციის ნომერი 00522060025 საგადასახადო ნომერი: 216 379 880.

::

სიქა-ს მიზნები
ეკოლოგიური, სამართლებრივი, ეკონომიკური, სოციალური, საგანმანათლებლო, სათემო, კულტურული, ანტიკორუფციული, ახალგაზრდული და სხვა საკითხების მოგვარების ხელშეწყობა საგანათლებლო საქმიანობით; სამოქალაქო საზოგადოების განვითარების ხელშეწყობა; საქართველოში საგანმანათლებლო ინიციატივების დანერგვა; დემოკრატიული პრინციპების დანერგვა; ცხოვრების ჯანსაღი წესის ხელშეწყობა; მრავალმხრივი და უწყვეტი განათლების ხელშეწყობა; განათლების სისტემის მუშაკთა პროფესიული განვითარება და განათლების ხარისხის ზრდა; ევროპულ და გლობალურ სივრცეში საქართველოს ინტეგრაციისა და თვითმყოფადობის შენარჩუნების ხელშეწყობა. თავისი მიზნების მისაღწევად ასოციაცია ახორციელებს შემდეგ საქმიანობას: ატარებს და ორგანიზებას უკეთებს ტრენინგებს, სემინარებს, კონსულტაციებს, კონფერენციებს, სამუშაო შეხვედრებს; ეწევა საგამომცემლო საქმიანობას; აწყობს მასობრივ და საქველმოქმედო ღონისძიებებს; გეგმავს, ინიცირებას უკეთებს და ახორციელებს საერთაშორისო, ეროვნულ, რეგიონალურ და ლოკალურ პარტნიორულ პროგრამებსა და პროექტებს; ეწევა დამხმარე ხასიათის სამეწარმეო საქმიანობას, რომელიც არ ცვლის კავშირის, როგორც არასამეწარმეო იურიდიული პირის ხასიათს; ეწევა კანონმდებლობით აუკრძალავ სხვა საქმიანობას.